Бугунги кунда Ўзбекистон Республикасида, хусусийлаштириш ва хорижий инвестицияларни жалб қилиш соҳасида муҳим меъёрий-ҳуқуқий база   шакллантирилди. "Давлат тасарруфидан чиқариш ва хусусийлаштириш тўғрисида"ги қонун давлат мулкини ўзгартириш учун асос яратади ва   "Инвестициялар ва инвестиция фаолияти тўғрисида"ги қонун хорижий инвесторларга имтиёз ва енгилликлар бериш, шунингдек уларнинг ҳуқуқларини   ҳимоялаш учун шарт-шароитларни яратади.

Кўп тузилмали иқтисодиётни яратишга йўналтирилган таркибий ислоҳотларни изчил амалга оширилиши натижасида корхоналар ва бошқа хўжалик   юритувчи субектлар фаолият кўрсатадиган шароит ва муҳит аста-секин ўзгариб, янги бозор муносабатлари ўрнатилмоқда.