Bugungi kunda O‘zbekiston Respublikasida, xususiylashtirish va xorijiy investitsiyalarni jalb qilish sohasida muhim me’yoriy-huquqiy baza   shakllantirildi. "Davlat tasarrufidan chiqarish va xususiylashtirish to‘g‘risida"gi qonun davlat mulkini o‘zgartirish uchun asos yaratadi va   "Investitsiyalar va investitsiya faoliyati to‘g‘risida"gi qonun xorijiy investorlarga imtiyoz va yengilliklar berish, shuningdek ularning huquqlarini   himoyalash uchun shart-sharoitlarni yaratadi.

Ko‘p tuzilmali iqtisodiyotni yaratishga yo‘naltirilgan tarkibiy islohotlarni izchil amalga oshirilishi natijasida korxonalar va boshqa xo‘jalik   yurituvchi subektlar faoliyat ko‘rsatadigan sharoit va muhit asta-sekin o‘zgarib, yangi bozor munosabatlari o‘rnatilmoqda.